A secretaria xeral do Sindicato Labrego Galego, Carmen Freire, celebrou que a vacina contra a enfermidade da lingua azul deixe de ser obrigatoria en Galicia e pase a subministrarse, de forma gratuíta, só aos gandeiros que a soliciten.

Freire afirmou este martes, nunha rolda de prensa, que durante os dous anos que a aplicación desta vacina foi obrigatoria para todos os animais galegos o sector gandeiro tivo "cuantiosas perdas" polos seus efectos secundarios. Segundo a organización, os danos económicos por causa da aplicación da vacina foron máis grandes, na gandaría galega, que a crise das vacas tolas.

En concreto, o secretario de Sectores Gandeiros deste sindicato, Adolfo Cabarcos, tamén presente na comparecencia, explicou que a aplicación da vacina causa abortos, perda de peso e produción de leite, coxeira e infertilidade no gando vacún, así como mortes no gando ovino.

Así, Freire aseverou que, nalgunhas explotacións galegas nas que se aplicou esta vacina, a cabana de ovellas "case desapareceu" e o propio Cabarcos perdeu un touro como semental tras subministrarlle a vacina. En todo caso, segundo afirmaron ambos os dous, a enfermidade causase baixas inferiores na gandaría galega que o proceso de inmunización.

Por todo iso, os representantes sindicais consideraron que os gandeiros galegos, maioritariamente, non aplicarán a vacina nas súas explotacións. Cabarcos, que ten unha explotación gandeira, ha asegurado que el non a solicitará, nin tampouco ningún gandeiro que coñeza". INCIDENCIAS

A secretaria xeral do sindicato afirmou que non pode cuantificar as perdas económicas que supuxo a obrigatoriedade da vacina porque a Administración galega "puxo trabas" para cuantificar as incidencias e "mesmo ameazou" algúns gandeiros. Así mesmo, denunciou que se concederon indemnizacións por perdas causadas pola vacina en moi poucas ocasións.

Ademais, Cabarcos engadiu que os abortos en vacún só se rexistraron como incidencias cando á nai se lle aplicara a vacina nos sete días anteriores á interrupción, pero que "algúns abortos" e nacementos de crías mortas se produciron por causa da vacina tras prazos superiores e non quedaron rexistrados.

Lingua azul

A lingua azul é unha enfermidade que afecta ao gando ovino, caprino e bovino, e que se transmite a través da picadura de mosquitos, entre outros vectores. En Galicia, a enfermidade detectouse por primeira vez na zona de A Mariña de Lugo en 2008, e a partir de setembro dese ano fíxose obrigatoria, na comunidade, a vacina de todos os animais para os serotipos —subespecies dentro do virus- -1 e 8.

A vacina, que os gandeiros de Galicia e outras rexións como Castilla e León critican polos seus efectos secundarios, seguirá sendo obrigatoria para o serotipo 1 ata o día 30 de xuño, mentres que a aplicación da medida de prevención para o serotipo 8 xa é voluntaria segundo unha orde ministerial publicada o 30 de decembro de 2010.de 2010.