L'aumentu rexístrase tanto en vuelos nacionales, con una subida de los sos viaxeros nun 7,5 por cientu, como en conexones internacionales que los sos pasaxeros crecieron un 17,5 por cientu. La suma de los dos primeros meses del 2011 ye positiva pa la infraestructura que rexistró mientres esti tiempu 183.858 pasaxeros, lo que supón un 11 por cientu más que'l mesmu periodu del añu anterior.

L'enclín de crecimientu queda reforzáu con una subida notable, de los más altos de la rede d'Aena, nel númberu d'operaciones.

Mientres febreru rexistráronse 1.330 operaciones, lo que supón un 25,1 por cientu más que'l mesmu periodu del añu anterior. D'elles 1020 fueron operaciones nacionales, con un crecimientu del 16 por cientu comparáu con febreru del 2010 y 203 fueron movimientos internacionales, lo que supón un 38,1 por cientu más que l'añu anterior.

Mientres los dos primeros meses del añu l'Aeropuertu d'Asturies rexistró 2.567 aterrizaxes y despegues lo que supón un 22,1 por cientu más que nel mesmu periodu del 2010.