El secretariu xeneral de la Federación Socialista Asturiana (FSA)-PSOE y candidatu de los socialistes a les próximes elecciones rexonales, Javier Fernández, dixo qu'espera que la ciudadanía asturiana "tome nota" sobre qué partíu ta actuando con "coherencia, seriedá y rigor", y qué partíu ta nun conflictu "mui fonderu".

Asina se pronunció nunes declaraciones emitíes por RNE y recoyíes por Europa Press, tres pregunta-y pola situación del PP d'Asturies, nel qu'existe una división ente los qu'apoyen al ex ministru de Fomentu, Francisco Álvarez-Cascos como candidatu y los que non. "Evidentemente ye algo que nun mos perxudica", dixo en relación a la situación del PP.

En cualquier casu quiso insistir en que nun quier opinar sobre lo que pasa n'otros partíos, anque dixo que ye algo que resulta "evidente" pa toos.