As lapas na Panificadora, segundo Spoke, estarían achandando o camiño para que a maioría poida aplaudir (sen mala conciencia) o derrubamento dun edificio emblemático (palabra máxica que, á maneira do ábrete, Sésamo!, parece se-la encargada de abrirlle as portas á picaraña), dun edificio do que se nos ofrece a súa cara ruinosa para provoca-lo noso desapego.O incendio subseguinte que se asañou cunha Casa Mar xa condenada despexa as posibles dúbidas: por estes lares manda a política da terra queimada. Esperemos que agora, co conto da Feira do Libro, non se lle ocorra a ningún iluminado montar unha pira.
Cheira a chamusco
Ou a iso é ó que lle cheira a Spoke, quen, coa particular mirada que adoitan ter aqueles que poden ve-las cousas con distancia, pensa que a marea de incendios que arrasa (é un dicir) a nosa cidade agocha unha intención evidente: a de que os viguícolas fagamos, a teor do que arde, a identificación de todo o antigo con algo vello (cun traste), e, xa postos, diso vello cunha cousa caduca.
Comentarios
Hemos bloqueado los comentarios de este contenido. Sólo se mostrarán los mensajes moderados hasta ahora, pero no se podrán redactar nuevos comentarios.
Consulta los casos en los que 20minutos.es restringirá la posibilidad de dejar comentarios