E, en efecto, moito lles hai que agradecer a Antón Reixa e os seus a valentía de seren os primeiros que usaban o galego nunhas letras e nunhas músicas cheas de modernidade. A honestidade de contestarse á pregunta ‘Por que non?’ con contundencia e imaxinación, repartindo retranca dende Fisterra ao Padornelo e ben máis aló.

Eles abriron o camiño e, tras algúns altos e baixos, o sol de carallo volve brillar no panorama galego con varias ducias de grupos cantando na nosa lingua todo tipo de xéneros. Xa sen resentimentos, coido que teremos movida para 20 anos máis.