Nuna nota de prensa, la Policía esplicó que los dos arrestaos calteníen nes redes sociales una intensa actividá promocional, publicando les escelencies de Daesh y solicitando a tolos sos contactos y simpatizantes que siguieren el so exemplu y xuntárense y xuraren llealtá a la organización terrorista.

L'home deteníu en Xixón ye d'orixe marroquín, nacionalizáu español y con casa en Xixón. El deteníu en San Sebastián tien nacionalidá marroquina y ye residente llegal en San Sebastián. "Dambos yeren pieces clave nel filiaza propagandística y de captación de la organización terrorista Daesh, y desarrollaben una intensa actividá a favor de la mesma publicando, adoctrinando, emponderando'l so ideariu y afalando a la comisión d'actos terroristes", según la Policía.

Los deteníos taben integraos dafechu na estructura de Daesh tres la so adhesión voluntaria, asumida y convenientemente publicada nes redes sociales. El deteníu n'Asturies, según la versión policial, espardía al traviés de les redes sociales, la so xura de llealtá al Califatu y al Califa Abu Baker Al Bagdadi y solicitaba a tolos sos siguidores que s'unieren a esti xuramentu.

Los conteníos sopelexaos nes redes sociales polos deteníos teníen característiques perfectamente estremaes. Asina, unos yeren claramente propagandísticos y eponderaben les virtúes de Daesh, tales como victories militares, llogros sociales y demás supuestos méritos, claramente maquetados pal so curiosu espardimientu masivu.

Otros yeren desaxeradamente radicales, de demoledora crudeza, nel marcu de la estratexa siguida por Daesh pal espardimientu del denomináu "terror informativo" ente la sociedá occidental. Estos últimos, fundamentalmente en forma de vídeos, conteníen actos violentos escoyíos nos que s'emponderaba claramente la violencia terrorista, amás de fcaer de menos y humildar a les víctimes.

El deteníu en Xixón tenía'l so centru d'operaciones, amás de la so casa particular, nesta población asturiana. Nella creara una importante y entamada rede d'espardimientu virtual, amás d'establecer dispositivos de comunicación que contaben con unes ferriales midíes de seguridá, destinaes a que la so actividá terrorista pasara inalvertida y imposibilitar la so detección policial.

Ente les midíes adoptaes alcontrábase la disposición de medios de comunicación non convencionales, como son l'usu de teléfonos virtuales (servicios de telefonía que s'ofrecen na rede y que permiten enviar mensaxes con total anonimatu), utilizaos pa intercambiar información de manera segura con miembros y dirixentes de Daesh.