Alguén pensa que a fragrancia multimillonaria das flores que dun tempo a esta parte inundan a cidade vai camufla-lo cheiro que emana das cloacas? Non, di Spoke para si mesmo, se non se inviste en saneamento; non, se non hai depuradora que funcione; non, se os cartos van para o accesorio (regatas e palmeiras). É como se por botar pachuli, por exemplo, xa non houbese que ducharse. E así cheira.
Así pois, é normal que quedara sen palabras cando se informou, por boca dun turista espacial, do enésimo vertido de augas fecais, esta fin de semana, na ría. Seica as gaivotas (símbolo xa das aves carniceiras) fixeron o seu particular agosto naquel océano de detritos. Un espectáculo do que puideron gozar (é un dicir) aqueles que decidiron abrirse ó mar dando un paseo polo Náutico.
Comentarios
Hemos bloqueado los comentarios de este contenido. Sólo se mostrarán los mensajes moderados hasta ahora, pero no se podrán redactar nuevos comentarios.
Consulta los casos en los que 20minutos.es restringirá la posibilidad de dejar comentarios