A min non me amola que unha entidade leve a cabo prácticas que se poden considerar abusivas con tal de recardar máis cartos para os seus socios. É o seu traballo, son os seus socios. O que me alporiza é que o fagan en beneficio da cultura, da creación e de todas esas cousas que sen eles non existirían. E de que as autoridades da devandita cultura lles entren ao trapo. Agora veñen de anunciar que lles poñerán preitos a todas as webs que os poñen a feder. Que como sabemos todos, e tamén eles, non son poucas. Pero nalgo terán que meter tantísimos euros que lle comen á poboación co choio este da cultura. A letra con talonario entra.
De recadar cartos da xentiña toda que ten bares, fai festas, argalla espectáculos ou quere montar unha obra de teatro, así sexan discapacitados psíquicos. A Sociedade Xeral de Autores de España si que está montando un bo espectáculo nos últimos días, e xa pouco lle queda por facer para perder o aínda menos prestixio que lle queda.
Comentarios
Hemos bloqueado los comentarios de este contenido. Sólo se mostrarán los mensajes moderados hasta ahora, pero no se podrán redactar nuevos comentarios.
Consulta los casos en los que 20minutos.es restringirá la posibilidad de dejar comentarios