Os grupos selan un pacto polo emprego e o BNG descólgase dun acordo pola revitalización demográfica

EUROPA PRESSNOTICIA17.03.2010 - 23:14h
Os tres grupos con representación no arco parlamentario galego decidiron hoxe por unanimidade selar un pacto pola reactivación económica e o emprego, ao que se dará concreción e vixiarase a súa posta en marcha nunha comisión parlamentaria. Pola súa banda, o BNG descolgouse dunha proposta para a revitalización demográfica ofrecida onte polo presidente da Xunta, que si contou co respaldo do PSdeG.

As caixas e a lingua, dous dos asuntos centrais do debate, tampouco conseguiron acordos unánimes, dado que os socialistas quedaron fóra do acordo polo futuro financeiro de Galicia, mentres que o PPdeG quedou so na defensa da súa política lingüística, que define como de equilibrio.

Estes foron as principais cuestións que se abordaron na sesión de peche do Debate sobre o Estado da Autonomía, no marco do cal se debateron 85 propostas de resolución dos populares, 29 dos socialistas e 325 dos nacionalistas galegos.

(

Haberá ampliación)

Mostrar comentarios

Códigos Descuento

© 20 Minutos Editora, S.L.

Queda prohibida toda reproducción sin permiso escrito de la empresa a los efectos del artículo 32.1, párrafo segundo, de la Ley de Propiedad Intelectual. Asimismo, a los efectos establecidos en el artículo 33.1 de Ley de Propiedad Intelectual, la empresa hace constar la correspondiente reserva de derechos, por sí y por medio de sus redactores o autores.