«Non será todo isto da Volvo, a famosa regata, unha especie de remake daquel filme de Berlanga, no que toda a vila se preparaba, engalanándose, para recibir unha visita sumamente importante que lle ía solucionar tódolos problemas? Unha visita que, todo hai que dicilo, pasaba como unha exhalación por diante dun impagable Pepe Isbert (xa non quedan alcaldes coma el, por certo) e dunha chea de xente ilusionada, axitando bandeiras e be rrando.»

Así falaba Spoke. Eu, procurando mitigar o seu alienescepticismo, repetía aquilo de «sempre nos quedarán as obras»; pero el seguía, erre que erre: «Ti que cres, non será todo isto da Volvo a escenificación dunha despedida?».