Os servizos sanitarios de urxencia trasladaron na madrugada deste venres o Hospital Clínico de Santiago a un home afectado por inhalación de fume nun incendio nunha vivenda compostelana.
Segundo a información do Centro de Atención a Emerxencias 112-Galicia, o propio implicado pediu axuda a un veciño en torno ás 5,45 horas da madrugada. Foi este veciño o que chamou os servizos de emerxencias para informar de que se estaba a producir un incendio nunha vivenda da rúa Castrón Douro.
Ata o lugar do suceso desprazáronse efectivos da Policía Nacional e Local, Protección Civil e os Bombeiros da cidade, que sufocaron o incendio. As lapas queimaron unicamente á campá extractora, pero o fume afectou ao propietario da vivenda, que foi trasladado por unha ambulancia do 061 ata o CHUS.
Comentarios
Hemos bloqueado los comentarios de este contenido. Sólo se mostrarán los mensajes moderados hasta ahora, pero no se podrán redactar nuevos comentarios.
Consulta los casos en los que 20minutos.es restringirá la posibilidad de dejar comentarios