El plenu de la Xunta Xeneral d'elección del presidente d'Asturies pa la próxima llexislatura va volver a entamar esti martes, de magar les 12.00 hores, na que va ser la so tercer sesión.

L'actual presidente en funciones, el candidatu socialista Javier Fernández, va salir previsiblemente escoyíu, collechabndo los 14 votos de los diputaos del so grupu y los cinco d'Izquierda Unida, en virtú del acuerdu que roblaron dambes formaciones, y que nel casu d'IU, refrendó la so militancia nuna consulta celebrada esti fin de selmana.

El so contrincante, la popular Mercedes Fernández, ta previsto que llogre los 14 votos que van sumar los 11 del so partíu y los trés de Foru Asturies, que na segunda sesión decidió dar el so apoyu a la candidata popular forzando asina l'empate a 14 qu'obligó a celebrar un tercer plenu.

Los otros dos partíos presentes na cámara, Podemos y Ciudadanos, hasta'l momentu dexaron clara la so intención d'astenese na votación.