El Grupu Municipal d'IU nel Conceyu d'Uviéu demandó entamar los trámites de revisión de la toponimia nel conceyu, col pidimientu de la información correspondiente a la dirección xeneral de Política Llingüística y l'aprobación inicial del espediente nel plenu.
Nuna moción presentada nel conceyu, IU recuerda que "nel Acuerdu presupuestariu pal añu 2015 firmáu ente IU y el PP, recueye una partida de 50.000 ? col fin de llevar a cabu la normalización de la toponimia nel conceyu d'Uviéu, que ye unu de los pocos conceyos asturianos que tovía nun realizó esta normalización".
Col fin de someter a información pública la propuesta ellaborada pola Xunta Asesora de Toponimia sobre'l Conceyu d'Uviéu, el grupu municipal d'IU propón dirixise a la Conseyería d'Educación y Cultura del Principáu d'Asturies pa qu'envíe al Conceyu d'Uviéu la documentación toponímica del conceyu.
Tamién reclama someter al Plenu del Conceyu d'Uviéu "l'aprobación inicial y el consiguiente periodu d'información pública pa l'aprobación definitiva de la toponimia del Conceyu dUviéu".
Comentarios
Hemos bloqueado los comentarios de este contenido. Sólo se mostrarán los mensajes moderados hasta ahora, pero no se podrán redactar nuevos comentarios.
Consulta los casos en los que 20minutos.es restringirá la posibilidad de dejar comentarios