O presidente do Goberno, Mariano Rajoy, subiu unha foto á súa conta de Twitter na que aparece recibindo á canceller alemá, Angela Merkel no compostelano aeroporto de Lavacolla ás 17,30 horas.

"A primeira hora da tarde, recibindo á chanceler alemá, Angela Merkel, en Santiago de Compostela", escribiu o presidente na súa conta de Twitter.

Na recepción oficial do aeroporto tamén participaron o xefe do Executivo galego, Alberto Núñez Feijóo, e o delegado do Goberno central, Samuel Juárez.

Tras o saúdo, os dignitarios dos gobernos alemán e español desprazáronse ao punto do Camiño xacobeo elixido para realizar uns seis quilómetros.