El presidente de la Comisión d'Educación de Foru, Argimiro Rodríguez, denunció esti llunes que'l Presidente d'Asturies, Javier Fernández "propónse rebaxar la plantiya de profesores en más de 200 places pal próximu cursu, retomando asina'l camín entamáu por Areces nel 2011".

Al traviés d'una nota informativa, Rodríguez fai referencia al presidente del Gobiernu asturianu, Javier Fernández, y señaló que "si a esta reciente propuesta añadímos-y los actos cometíos a lo llargo del presente cursu académicu, Javier Fernández acredita méritos sobraos pa que lu consideren l'enemigu públicu númberu ún de la educación asturiana".

El presidente de la Comisión d'Educación de Foru recordó que'l Gobiernu d'Asturies aumentó "sin razón alguna la permanencia de los profesionales nos centros" matizó. Amás, Rodríguez añade que la propuesta "tarazó les aspiraciones de más de 700 interinos a los que nun se contrató esti cursu y peslló diez escueles y centros de profesores".

El Gobiernu asturianu refugó, según Rodríguez, la posibilidá de qu'haya oposiciones pa docentes esti añu, "casi 200 places, si quisiera". Amás, Foru argumentó que "los que se dediquen al llabor d'enseñar saben yá que nun s'anda con caxigalines a la hora de sacrificar a cuantos profesores seya preciso pero, Javier Fernández, nun quier nin sentir falar de prescindir d'un puñáu de diputaos. Una decena de diputaos ye pa él más valiosa que dellos cientos de profesores nes aules", añade.