Si é certo que me encantaría ver a Lucía do Incio ou o modernísimo Proxecto Mourente, representando a La Galice e acadando douze points. E a Beatriz Manjón dicindo para toda Europa os resultados da votación galega.

Pero a razón fundamental é de estatexia. Está comprobado que nos últimos anos gañan case sempre os países balcánicos porque son moitos a votarse entre eles, algo que non lles acontecía antes.

Por esa regra de cercanía, España só pode contar cos votos de Andorra e de Portugal. Pero se houbese un representante catalán, outro vasco e outro galego xa poderiamos facer contubernio en igualdade de condicións. Berren canda min: Galiza a Eurovisión. Ás Ketchup tamén lles convén.