La vocera del Grupu Parlamentariu Popular na Xunta Xeneral d'Asturies, Isabel Pérez-Espinosa, dixo que les últimes manifestaciones del presidente de Foru Asturies (FAC) y de miembros del so partíu sobre Caxastur son una "irresponsabilidá" y que namás valen pa "poner en riesgu" el procesu de fusión de caxes.
Espinosa respondió asina a preguntes pola propuesta de Cascos sobre Caxastur, consistente en que la entidá pase a tresformase nuna fundación.
La vocera del PP criticó que Cascos introduxera esti asuntu como elementu de discutiniu políticu. Y dixo que lo fai col únicu oxetivu d'intentar demostrar un supuestu pactu ente PSOE y PP. "Amás de desestabilizar la caxa busca otru exemplu más del so supuestu pactu", dixo.
El PP, dixo Espinosa, va siguir "respetando" a los órganos de Gobiernu de Caxastur porque los sos xestores punxeron a la entidá "nos primeros llugares". Pero amás, dixo que l'actual diputáu de Foru Asturies, Pelayo Roces, defendió cuando militaba nel PP y yera conseyeru de Caxastur una cuestión absolutamente distinta a la qu'agora defende Cascos. "¿Opinaba Roces distinto cuando yera conseyeru?", preguntó.
Comentarios
Hemos bloqueado los comentarios de este contenido. Sólo se mostrarán los mensajes moderados hasta ahora, pero no se podrán redactar nuevos comentarios.
Consulta los casos en los que 20minutos.es restringirá la posibilidad de dejar comentarios