O alcalde de Vigo, Abel Caballero, remitiu este mércores á Xunta unha solicitude de entrevista co presidente, Alberto Núñez Feijóo, para "planificar conxuntamente o calendario de desenvolvemento" da lei da área metropolitana, e apuntou que o anteproxecto é "un bo principio" pero "se pode mellorar substancialmente".
En declaracións aos medios tras realizar unha visita ás obras da rúa Vázquez Varela, o rexedor vigués explicou que ofrecerá a Feijóo "un proceso de diálogo para a lei sexa un éxito total", e recordou que aínda hai que aclarar cuestións" relativas, por exemplo, ás competencias da área metropolitana. A ese respecto, sinalou que enviará ao presidente da Xunta un "informe sobre elementos que poden ser mellorados".
Sobre as declaracións do conselleiro Alfonso Rueda, quen recordou que "agora teñen a palabra os grupos parlamentarios", Abel Caballero pediu a Rueda que "reflexione un pouquiño" e indicoulle que a posta en marcha do ente supramunicipal require "un pacto a tres bandas".
Así, o alcalde de Vigo subliñou que a lei "ten que ter a aceptación dos Concellos", e que el ofrece "un mecanismo para a salvación absoluta" desa norma.
Con respecto á eventual desaparición da deputación provincial, Caballero limitouse a afirmar que "a cuestión é se os cidadáns aceptará unha administración máis, ademais das que xa hai", e sinalou que "todos agás a deputación" aceptan o principio de que debe desaparecer e ceder as súas competencias á área metropolitana.
Comentarios
Hemos bloqueado los comentarios de este contenido. Sólo se mostrarán los mensajes moderados hasta ahora, pero no se podrán redactar nuevos comentarios.
Consulta los casos en los que 20minutos.es restringirá la posibilidad de dejar comentarios