Xosé Manuel Pereiro destaca a homenaxe "valente" ao seu irmán como "un recoñecemento" máis alá do uso do galego

Xosé Manuel Pereiro destaca a homenaxe "valente" ao seu irmán como "un recoñecemento" máis alá do uso do galego

Felicita a RAG polo seu cambio de liña, ao dedicar o Día das Letras a "distinguir o heterodoxo", unha poesía "dura e descarnada"

O decano do Colexio de Xornalistas de Galicia, Xosé Manuel Pereiro, felicita a Real Academia Galega pola súa decisión de dedicar o Día das Letras Galegas ao seu irmán, o poeta Lois Pereiro, unha homenaxe, ao seu xuízo, "valente" que "recoñece" o mérito literario do autor monfortino máis alá do uso do idioma galego.

É máis, Pereiro considerou que con esta elección se fai "unha aposta" que pode "facer ver" que a literatura galega "non é algo endogámico", senón "toda unha polifonía" na que cabe unha ampla gama de textos, dende os máis clásicos aos máis vanguardistas.

Nela hai "selvas, desertos, glaciares e mares", resaltou, tras o que incidiu na existencia de autores que, como o seu irmán ou o escritor recoñecido este ano —Uxío Novoneyra—, "teñen mérito como literatos e non só, como se adoita achacar ultimamente, por escribir en galego". Ningún dos dous tivo "ningún tipo de vantaxe por escribir en galego: ao revés", apostilou.

Neste extremo, admitiu que a obra do seu irmán se defina como "dura e descarnada", porque "dicía as cousas duras e claras", pero confrontou estas características con que tamén é "moi atractiva". Con esta elección "amplíase a oferta" e mozos que descoñecen a Lois a día de hoxe poderán descubrir a súa poesía, destacou o seu irmán.

Manuel rivas,

"algo que ver" na decisión

Ademais, valorou os escritores premiados este ano e o que vén por supoñer "un cambio" na liña tradicional da Real Academia Galega, na dirección de "distinguir o heterodoxo". "É unha decisión valente", recalcou e engadiu que, polo que a el e a súa familia respecta, o escritor e membro numerario Manuel Rivas é "un terceiro irmán" que "ten algo que ver".

En canto á celebración do próximo 17 de maio, Pereiro indicou que é algo do que se ocupa a Academia, aínda que apuntou que, se lle preguntan polo lugar, Monforte ou O Incio serán a súa resposta.

Consulta aquí más noticias de A Coruña.

Síguenos en Facebook para estar informado de la última hora:
Publicada en la dirección url http://www.20minutos.es/noticia/748917/0/ accede a la noticia online capturando este código en tu móvil Código QR

Hemos bloqueado los comentarios de este contenido. Sólo se mostrarán los mensajes moderados hasta ahora, pero no se podrán redactar nuevos comentarios.

Consulta los casos en los que 20minutos.es restringirá la posibilidad de dejar comentarios