La protesta contra'l zarru de la biblioteca del edificiu polivalente de la Universidá d'Uviéu nel Campus de Xixón llegó esti xueves al Edificiu Históricu, qu'alluga'l rectoráu.

Mas de cien estudiantes concentráronse frente al edificiu y darréu entraron nel patiu, onde se concentraron, con pancartes, tirando petardos y coriando conseñes contra los retayos na Universidá.

Un grupu d'estudiantes permanez zarráu por esti motivu nel Campus de Xixón nuna acción con calter indefiníu. L'equipu rectoral colgó un comunicáu na so web na que diz que nun hai nengún zarru, sinón un 'agrupamientu de los fondos bibliográficos'.

"La xente tien qu'estudiar y la xente precisa llibros", dixo en declaraciones a los periodistes unu de los voceros de la protesta, Víctor González. Afirmó que la biblioteca ta cerrada.