O presidente da Xunta e presidente do PPdeG, Alberto Núñez Feijóo, asegurou este sábado que o líder do Executivo central, Mariano Rajoy, así como o seu Goberno e o Partido Popular "seguen sendo imprescindibles hoxe para este país", tras valorar o papel do seu xefe de filas para evitar o rescate de España e tras meses nos que os papeis de Bárcenas e o suposta financiamento ilegal dos populares centrou a actualidade política.

No tradicional acto de apertura do curso político que os populares galegos realizan en Soutomaior cada ano dende hai oito, e ante a presenza de Mariano Rajoy, Feijóo chamou "á unidade" do seu partido e pediu "estar á altura", e aínda que defendeu o traballo do PP, chamou a que faga "autocrítica" para "escoitar o que din os cidadáns".

"España recompesará a aqueles que cumpriron co seu deber", sentenciou en alusión ao seu xefe de filas. "Outro pensase máis no seu interese político persoal e el soamente pensou nos intereses do conxunto, outro perdese a calma na tempestade, pero el mantivo o pulso firme, sen alharacas, sen ruídos, sen insultos", valorou Feijóo.

Deste modo, nun discurso no Feijóo recordou ás vítimas da traxedia ferroviaria de Santiago no que faleceron 79 persoas, remarcou que Rajoy traballa na senda da recuperación, malia unha oposición que espera "o rescate para alongar as súas carreiras políticas".

(

Haberá ampliación)