Con esta obra acabada'l procesu d'ampliación entamáu nel 2003 y prollóngase la vida útil del vertederu hasta l'añu 2015, puesto que'l vasu del depósitu controláu de residuos non peligrosos que Coxersa esplota nel Valle de La Zoreda va algamar una capacidá total d'unos 18 millones de metros cúbicos, un 50 por cientu más de la que tenía'l primer vertederu construyíu en 1985.

Les obres d'ampliación del Vertederu Central d'Asturies consisten na adecuación de la cavidá natural del valle de La Zoreda pa siguir utilizándolo como depósitu controláu de residuos non peligroses. A los llabores iniciales de deforestación y escavación pa llograr la uniformidá del terrenu, súmase la preparación del fondu con capes alternes de llámines de polietilenu d'alta densidá, xeotestil y áridos que permiten l'aislamientu y impermeabilización del suelu conforme a la lexislación.671.000

Tonelaes añales

La llegada media de rediduos al Vertederu Central d'Asturies nos últimos nueve años -dende'l 2001- foi de 671.068 tonelaes añales, qu'aumenten hasta 723.650 tonelaes si se contabilicen tanto los residuos internos, como les tierres y escories que s'empleguen na so esplotación y selláu progresivu.

En concretu, nel 2009 depositóse un total de 633.550 tonelaes de residuos non peligroses, de los qu'un 61,9 por cientu correspondióse cola fracción restu de los residuos municipales y familiares sin clasificar n'orixe. Les otres dos fracciones más cuantioses fueron los residuos industriales asimilables a urbanos, el 12,6 por cientu, y los llodos de depuradora, el 12,3 por cientu.