O como aquella otra anécdota que fala d’un mozu que, por principios, siempre renegara de militar nun partíu políticu –anque fuere cercanu al so ideariu-, y que cuando unos conocíos suyos abandonaron discrepando cola llinia oficial, quixo alleccionalos faciéndo-yos un llamáu a la constancia, l’aguante y el debate, cualidaes que cola so non-militancia enxamás tuviere que practicar.

Les disidencies, por caseruques y mínimes que sían, manquen nel grupu que s’abandona. Y ye normal, porque perder un miembru llega al dolor físicu, pero que vengan los de fuera a corta-y un traxe al disidente, nun dexa de ser el berrinche del cotilla, del que pierde de quien falar nel chigre.