Hai tramos de piedra suelto xusto cuando la cuesta va poniéndose difícil, igual que nel casu del pan y la lleche, qu’a esti ritmu, y biodiesel mediante, van convertise nuna Penubina d’andar per casa.

Más arribones, l’aire llevanta con una fuercia que nun dexa calma nin pal xelu, y anque’l GPS indique que tamos cerca l’oxetivu, l’aumentu de los precios nun 0,7 n’avientu fai imposible columbrar el refuxu.

A la fin, y superando los pasos postreros, vemos la llanada antárctica del Puertu’l Meicín, onde al par del espectáculu polar y lacustre destaca la mole de chapla y piedra, vacia y trancada pa los montañeros aterecíos tovía depués de la testonería antiecolóxica del Principáu. Tan testerona y hermética como ye la variación interañal del IPC, que dexa les coses un 4,1% más lloñe. Merquen un bon cayáu pa subir esti xineru.