Hugh Herr (EEUU, 25 d'ochobre de 1964) llicencióse en Física en 1990 pola Universidá de Millersville (Pensilvania), darréu realizó una maestría n'Inxeniería Mecánica nel Institutu Tecnolóxicu de Massachusetts (MIT) y, en 1998, llogró'l doctoráu en Biofísica na Universidá d'Harvard.

Nesti momentu dirixe'l Biomechatronic Group na Media Lab del MIT, onde desarrolló les calificaes como 'les prótesis más sofisticaes del mundu'. Foi profesor asistente nel Harvard-MIT Division of Health Sciences and Technology de la Harvard Medical School.

Líder mundial nel campu de la biónica y la biomecánica, Hugh Herr sufrió la amputación de dambes piernes con 17 años en sufriendo la conxelación de los sos miembros mientres una ascensión na montaña. De resultes d'esta esperiencia, dirixó'l so esfuerzu y talentu a tratar de meyorar la movilidá de les persones con discapacidá. Hasta diseñó pa él mesmu unes piernes especiales que-y permitieron siguir practicando la escalada.

Herr abrió nueves llinies d'investigación, dando llugar a una clase de biohíbridos, de prótesis intelixentes, qu'aceleraron la fusión del cuerpu y la máquina y aumentáu la so fuerza y resistencia. Los sos métodos tomen un conxuntu de disciplines científiques y tecnolóxiques, dende la ciencia biomecánica y del control de los movimientos biolóxicos hasta'l diseñu de dispositivos biomédicos.

Los sos llogros tuvieron un impactu significativu en persones con discapacidá físico, al traviés de les prótesis de rodía adaptables p'amputaos femorales o les ortoprótesis de todíu y pie, pa pie equín y patoloxíes causaes por paralís cerebral o esclerosis múltiple.

Herr emplegó modelos de ponte cruzada del músculu esqueléticu pal diseñu y optimización d'una nueva clase de mecanismos de propulsión humana qu'amplifiquen la resistencia p'actividaes anaeróbiques, y construyó zapatos elásticos qu'aumenten la resistencia aeróbica al caminar y correr.

TITULAR O COTITULAR DE MÁS DE SETENTA PATENTES

Ye'l fundador de la compañía BiONx Medical Technologies (antigua iWalk), encargada de comercializar BiOM Ankle, una prótesis de miembros inferiores qu'apurre enerxía emulando la función muscular y asonsañando el movimientu del todíu y apurre una estabilidá que s'axusta a cualquier superficie.

Titular o cotitular de más de setenta patentes, Herr impartió numberoses conferencies en congresos y foros internacionales, ye editor vinculáu del Journal of NeuroEngineering and Rehabilitation y miembru del conseyu editorial d'otres publicaciones científiques.

La so hestoria personal nárrase nel llibru 'Second Ascent: The Story of Hugh Herr' (1991) y na película 'Ascent: The Story of Hugh Herr', realizada nel 2002 por National Geographic.