El conseyeru de Presidencia y Participación Ciudadana del Principáu, Guillermo Martínez, reprochó esti miércoles a PP, Podemos y Foru que pretendan cargar "la so culpa" sobre la prórroga presupuestaria nos llombos del Gobiernu.
El voceru del Executivu, en rueda de prensa tres el Conseyu de Gobiernu, calcó en que l'equipu de Javier Fernández ofreció un procesu negociador "seriu" pa tratar de sacar alantre les cuentes del 2016.
Asina, caltién que l'escenariu de prórroga debióse a la presentación d'enmiendes a la totalidá per parte d'estes formaciones, con especial crítica a Podemos por sentase a negociar y presentar la enmienda'l díes dempués de les elecciones xenerales del 20 d'avientu.
Por ello, diz que'l pidimientu de los trés partíos pa que'l Gobiernu ellabore y presente un nuevu proyectu presupuestariu evidencia la "perfecta sintonía ente FORU, PP y Podemos". "Ye una sola idea espresada a trés voces", recalcó, añediendo que dexen ver la so rocea hacia'l PSOE: "El PP canta y los otros fáen-y los coros".
Comentarios
Hemos bloqueado los comentarios de este contenido. Sólo se mostrarán los mensajes moderados hasta ahora, pero no se podrán redactar nuevos comentarios.
Consulta los casos en los que 20minutos.es restringirá la posibilidad de dejar comentarios