Axentes del Cuerpu Nacional de Policía detuvieron esti xueves a Abdou Ndiyae, más conocíu como 'Makelele', no que cinca a la so posible implicación na muerte violenta de la hostelera Sonia Mitre. Ye la segunda vez que se-y detién por estos fechos.

Asina lo confirmaron a Europa Press dende la Comisaría xixonesa. Les mesmes fontes esplicaron que l'arrestu prodúxose en primeres hores de la mañana y que 'Makelele' alcontrábase en dependencies xudiciales. Nun se facilitaron más datos al tar el casu baxu secretu de sumariu.

Cabe recordar que Mitre apaeció estrangulada la tarde del pasáu 16 de xunetu na so casa, de la cai Manuel Hevia Carriles. Mitre fuera pareya de 'Makelele' y tamién la so xefa en dos negocios hosteleros que tenía la víctima.