Axentes de la Policía Nacional procedieron a la detención de cinco individuos integrantes de la banda violenta de moteros 'Outlaws' que va un mes golpiaron a un home n'Uviéu provocándo-y lesiones graves.

La víctima de 39 años disponíase a entrar na so casa, cuando lu asaltaron cinco individuos que tres baxase d'una furgoneta dirixéronse directamente escontra él, golpiándo-y con un bate de béisbol, tres martiellos y un oxetu punchante. Al individuu hubo que treslladalu al Hospital Xeneral, onde lu asistieron de les lesiones graves que-y causaron.

La descripción proporcionada pola víctima y por dellos testigos, llevó al Grupu V d'investigación perteneciente a la Xefatura Superior de Policía d'Asturies, a diseñar un perfil de los agresores qu'encaxaben cola estética d'una banda de motoristes denominada 'Outlaws', fuera de la llei, con sede n'Ourense pero d'orixe británicu, y que tien una escasa implantación n'España, siendo la so pretensión "conquistar" el Norte dende Galicia.

N'Europa hai 120 nuevos núcleos, qu'ellos llamen 'capítulos', y la so seña d'identidá ye l'autoritarismu que los lleva en dellos casos a esixir impuestu revolucionariu por denominase como ellos, o llevar les sos sigles nes sos motos o nes sos chaquetes.

El grupu deteníu n'Ourense, ye un capítulu d'una d'esta bandes denominada 'Outlaws', y inclúi ente la so simboloxía'l númberu 1%, dende qu'en 1947, tres unos disturbios en California el presidente de l'Asociación Americana de Motoristes dixera que "el 99% de los motorista americanos son honestos". Esti 1% derivóse en grupos criminales en tol sentíu de la palabra. L'ingresu nellos ye ta acutáu y la so salida ye imposible, nun siendo cola muerte.

L'episodiu de violencia d'Uviéu forma parte de la pretendida "conquista del Norte". El desplazamientu d'esti grupu dende Ourense a Uviéu taba preparáu, col fin de face-y una "alvertencia" a la víctima, a la que conocíen por coincidir coincidíu en delles concentraciones moteres, pa dexa-y bien claro quién mandaba dende esi momentu nel territoriu.