Feijóo defende o "enorme rigor" da fiscalía do Supremo sobre os indultos a independentistas
Así se pronunciou ao ser preguntado polas declaracións nas que o ministro do Interior, Fernando Grande-Marlaska, evitou comentar estes indultos e afirmou que lle "gustan" os "informes técnicos-xurídicos, os de Fiscalía tamén".
"Dicir que os fiscais do Tribunal Supremo actúan con criterios políticos... se iso é así e se o ministro dixo iso, estou convencido de que o vai a rectificar nos próximos minutos", manifestou o presidente da Xunta.
Feijóo sostivo que os fiscais do TS "actúan de acordo cos seus criterios profesionais". "E, por conseguinte, desexo unha rectificación se é que se referiu a que os fiscais do TS, por oporse aos indultos, están a utilizar criterios políticos", indicou.
O titular da Xunta apuntou que "o que están é utilizando o ordenamineto xurídico español e o principio de igualdade de todos os cidadáns ante a lei". "Por tanto, non podo estar de acordo con esas manifestacións e espero e desexo que, canto menos, matícense", afirmou.