Versión impresa

Galicia cantidade

Disque o 60% da poboación galega ten problemas de sobrepeso.
Polo que se ve, lonxe quedan os tempos da fame, e poucas ganas hai de pasala agora voluntariamente para poñer tipo fino. Total, para dous meses que sae o sol non temos moita ocasión de lucir palmito e por máis dentes longos que nos poñan os escaparates de Bershka quen lles dera a moitas solucionar cun burka.

Cómpre moito sacrificio para fuxir do cocido, empanada de millo e similares, ou para resistirse ás delicias do monte neste tempo de caza, castañas e cogumelos. Nin ao cariño das nais propias e alleas que nos ceban celebrando o gusto que dá vernos comer. E pobres de nós que non repitamos ou que tentemos rexeitar amablemente a sobremesa.

Está claro que neste país o canon de beleza debería ser a repoludez, as pernas gordechas e as fazulas coloradas, e que sexan outras as que tiran os cartos na Corporación Dermoestética podendo empregalos na Guía Michelín. Comede filliñas, que é todo salú e o palleiro non se fai sen palla.

Síguenos en Facebook para estar informado de la última hora:
Publicada en la dirección url http://www.20minutos.es/noticia/69000/0/problemas/sobrepeso/fame/ accede a la noticia online capturando este código en tu móvil Código QR

Hemos bloqueado los comentarios de este contenido. Sólo se mostrarán los mensajes moderados hasta ahora, pero no se podrán redactar nuevos comentarios.

Consulta los casos en los que 20minutos.es restringirá la posibilidad de dejar comentarios