Asturies asítiase como la sesta comunidá autónoma con menor númberu d'albuertos nos últimos 15 años, namás per detrás de La Rioxa, Navarra, Cantabria, Estremadura y País Vascu. En concretO, na rexón contabilizáronse 27.910 albuertos.

A nivel nacional, ente 1994 y 2008 produxéronse más de 1,1 millones d'albuertos (1.106.742), lo qu'ofrez una media de más de 202 albuertos diarios.

Cataluña (220.657 albuertos), Comunidá de Madrid (204.806) y Andalucía (190.837) fueron les autonomíes con mayor númberu d'albuertos nesti periodu.

Amás, la rexón de Murcia, Cataluña, Comunidá de Madrid y Baleares rexistraron la mayor subida de la tasa d'albuertos, con dos incrementos del 11,3%, el 8,l6% y el 7,6%, según datos publicaos esti xueves pol Institutu de Política Familiar (IPF).

N'Asturies, per contra, rexistróse la mayor baxada de la tasa d'albuertos de toles comunidaes autónomes, con un descensu del 2,91, hasta quedar nun 6,71.

Nun comunicáu, l'IPF indica que l'incrementu d'albuertos foi "espectacular", pasando de 47.832 albuertos en 1994 a más de 115.800 albuertos nel 2008, con una subida del 142% nesti tiempu.