A Xunta, o Ministerio de Medio Ambiente, Medio Rural y Marino (MARM) e o Concello olívico chegaron hoxe a un acordo para desbloquear a construción da nova depuradora de Vigo, cun borrador de convenio no que se recolle que, unha vez finalizada a obra, esta será entregada á Administración local, que será propietaria e encargada da súa explotación.
Así o confirmou en rolda de prensa o alcalde da cidade olívica, Abel Caballero, quen explicou que, segundo ese convenio —que será ratificado polas tres partes "en moi poucas semanas"—, o Concello porá os terreos, valorados en 10 millóns de euros; a Xunta aboará 104 millóns; e o ministerio, a través de Aquanorte e con cargo a fondos Feder da UE, porá 112 millóns de euros.
Ademais, a explotación correrá integramente a cargo do Concello, que se converterá en propietario da planta, aínda que o será de forma indirecta, a través dunha entidade mercantil ou comercial. Esta nova figura xurídica crearase co fin de que, ao asumir a parte municipal o pagamento dos 38 millóns de euros de IVE, poida reclamarse ese diñeiro en forma de 'IVE deducible'. (
Haberá ampliación)
Comentarios
Hemos bloqueado los comentarios de este contenido. Sólo se mostrarán los mensajes moderados hasta ahora, pero no se podrán redactar nuevos comentarios.
Consulta los casos en los que 20minutos.es restringirá la posibilidad de dejar comentarios