Y anque podría dedicar unes palabres al tediu que viven enfermu y familiares pol protocolu d’actuación nestos casos, aprovecho pa falar de la fuelga de llimpieza. Sí, quiero facelo agora que la tengo a la vista, pa que naide nun diga que ta dicho dende la distancia: apoyo esta fuelga.

Apóyola como a la que más, y anque les sensibilidaes que pueda mover sían mui especiales, considero que los trabayadores d’esti sector merecen les mesmes atenciones que’l restu del so grupu profesional.

Si la nuesa sanidá pública, tan bien parada ella nes estadístiques internacionales, decidió un día entamar a privatizase habrá d’enfrentase a esti conflictu dolorosu con capacidá d’autocrítica y non reprimiendo al últimu de la cadena, al que ta ehí pa ganar un xornal.