Según informó la Policía Nacional, sobre les 13.00 hores, una comisión xudicial presentóse na cai Independencia d'Uviéu pa comunica-y la orde de desahuciu.

De primeres, L.R.B. negóse a abrir la puerta, motivu pol que la comisión xudicial solicitó la presencia d'una patrulla policial.

Los axentes de la patrulla, en falando y negociando col mesmu consiguieron que'l ciudadanu abriera la puerta, procediendo'l secretariu xudicial a comunicar l'autu de desagospiu dictáu pol Xulgáu de primer Instancia númberu 11 d'Uviéu.

Según la versión policial, magar que nun primer momentu'l ciudadanu accedió a abandonar la vivienda, de sópitu, en presencia de la comisión xudicial, cambió d'actitú y echóse sobre unu de los policías que trató de defendese y reclamó l'auxiliu del restu de los componentes de la dotación. Unu de los policíes sufrió un mordigañu na so pierna.

Una vez reducíu y esposáu. y cuando lu treslladaben a les dependencies policiales por delitu d'atentáu, los axentes observaron que nun s'atopaba bien, alendando con dificultá y en gran estáu d'ansiedá, polo que la patrulla procedió a dirixise al Hospital Universitariu Central d'Asturies (HUCA) pa l'asistencia médica oportuna del deteníu.

Con posterioridá, una vez nel HUCA y mientres lu trataba personal sanitario, trescurríos unos venti minutos, el serviciu médicu informó a los policíes del fallecimientu del deteníu, que residía de manera regular n'Uviéu dende l'añu 2010.

Consulta aquí más noticias de Asturias.