Un mozu de 18 años que respuende a les iniciales d'E.G.S. resultó mancáu leve esti xueves, en cayendo col so coche dende la cai Ricardo Sánchez Prada a la calzada qu'arredola l'estadiu Carlos Tartiere.

Según informa la Policía Llocal del Conceyu d'Uviéu, los fechos produxéron a les 12.00 hores, cuando'l mozu, que circulaba en sentíu descendente pela cai Ricardo Sánchez Prada procedente de la cai Alejandro Casona, intento correxir la dirección del so coche, que viraría hacia la izquierda, en sentíu contrariu.

Esti volantazu provocó que'l vehículu saliera pel marxe derechu de la calzada, impactando y frayando la valla de seguridá y cyando frontalmente contra la calzada dende un altor superior a cuatro metros.

Magar el fuerte impactu, el conductor pudo salir pel so propiu pie del vehículu y treslladáronlu nuna ambulancia convencional al HUCA con lesiones de calter leve na mano izquierda.