El Gobiernu d'Asturies encamentó al Executivu central a cumplir el requerimientu d'execución de sentencia del Tribunal Central del Contencioso Alministrativo númberu 4 p'abonar les cantidaes debíes a Asturies en relación colos Fondos Mineros, que'l Gobiernu autonómicu cifra en 213 millones d'euros hasta'l 2011.

En rueda prensa, el conseyeru de Presidencia y Voceru del Gobiernu asturianu, Guillermo Martínez, calcó en que'l Gobiernu de Mariano Rajoy tien que cumplir la sentencia, apostando pa que se lleve a cabu'l procedimientu previstu y s'estudien ente les partes los convenios vinculaos a los Fondos Mineros.

El Gobiernu del socialista Javier Fernández asegura que "nun va parar" hasta que s'abone a Asturies "hasta l'últimu euru" que'l Gobiernu central debe a la comunidá y que, al traviés de trés reclamaciones xudiciales, algama un importe total cercanu a los 323 millones d'euros.

Según el requerimientu xudicial fecháu'l 5 de febreru, el Gobiernu central tien un plazu de 15 díes pa xustificar les xestiones realizaes pa cumplir cola sentencia qu'obliga al pagu de importar debíos por convenios hasta'l 2011.

Amás, l'Executivu central del PP dispon de 5 díes pa presentar recursu de reposición, una actuación que dende'l Principáu esperen que nun se produza, "apelando a la sensatez" y al "sen común" pa que'l Gobiernu d'España atienda al interés de los ciudadanos y de les comarques mineres.

"Nun pue provocase a los ciudadanos, a los gobiernos y a los tribunales", apuntó, recordando que, magar los plazos xudiciales que s'establezan nel procesu, evidénciase que los xulgaos tán llendando cada vez más l'actuación del Gobiernu central.

De la mesma manera, Guillermo Martínez aprovechó pa responder a crítiques de falta de dilixencia per parte del Gobiernu autonómicu, "remarcando que delles comunicaciones y los recursos presentáronse con axilidá. "El Gobiernu d'Asturies tardó menos de 48 hores n'esixir al Gobiernu d'España que cumpliera la execución darréu de la sentencia", aseveró.

Xunto con esta primer sentencia, nesti momentu tán tramitándose otros dos recursos sobre Fondos Mineros, unu por convenios hasta'l 2012 por un importe de 56 millones, y otru hasta'l 2013 por daqué más de 53 millones d'euros.

El voceru del Gobiernu asturianu llamentó "la falta de compromisu y voluntá" per parte del Executivu central pa llegar a acuerdos, primero, y dempués pa cumplir coles decisiones xudiciales.

"El Gobiernu asturianu siempre actuó con llealtá institucional y al servicios de los ciudadanos", defendió, reprochando al Gobiernu de Mariano Rajoy la so "desllealtá" y "irresponsabilidá", lo mesmo con Asturies como colos tribunales. "Les sentencies son d'obligáu cumplimientu", remarcó.