El Gobiernu asturianu revisa los contratos d'una empresa vinculada a un diputáu de Foru

La conseyería d'Educación del Gobiernu d'Asturies decidió revisar d'oficiu los contratos con una empresa vinculada al diputáu de Foru José Antonio Martínez, según confirmó'l mesmu Martínez nuna rueda prensa ofrecida n'Uviéu. La empresa encargóse de suministrar 'catering' a colexos.
Diputados de Foro Asturias, en la rueda de prensa
Diputados de Foro Asturias, en la rueda de prensa
EUROPA PRESS
Diputados de Foro Asturias, en la rueda de prensa

La conseyería d'Educación del Gobiernu d'Asturies decidió revisar d'oficiu los contratos con una empresa vinculada al diputáu de Foru José Antonio Martínez, según confirmó'l mesmu Martínez nuna rueda prensa ofrecida n'Uviéu. La empresa encargóse de suministrar 'catering' a colexos.

El diputáu tuvo acompañáu pola totalidá del grupu parlamentariu, que quiso dexar claro'l so apoyu y faló de "vendetta" per parte del Gobiernu asturianu, del PSOE. El motivu d'esa venganza, argumentaron, sería la reciente dimisión de la conseyera de Bienestar Social y Vivienda, Esther Díaz, ante'l discutiniu surdíu pola so participación nuna empresa que realizó trabayos n'obres públiques.

"Coles mesmes qu'Esther Díaz comparecía na Xunta Xeneral del Principáu d'Asturies y cargaba contra nós el llunes día 10 de noviembre, a les 10.31 hores, entraba nel rexistru d'Educación l'espediente pol qu'entamaba l'acuerdu de revisión d'oficiu", señaló José Antonio Martínez, coles mires de demostrar la relación ente los dos circunstancies.

La vocera de Foru, Cristina Coto llegó a falar de "práctiques estalinistes" per parte del Gobiernu del Principáu y acusólu d'intentar poner en marcha un "ventilador" coles mires d'intentar intoxicar a la opinión pública. "Pero nun somos iguales", dixo.

"nun existe incompatibilidá"

Nesti puntu, Coto recordó que la socialista Esther Díaz yera un altu cargu de l'Alministración, que sí incurrió n'incompatibilidá, y qu'hasta na so declaración d'intereses omitió la so participación na empresa Davelco.

Nun pasa lo mesmo, argumenten dende Foru, nel casu de los sos diputaos Jose Antonio Martínez y Pelayo Roces. De mano, ellos nun son altos cargos, sinón que pertenecen al poder llexislativu, non al executivu.

Pero amás, el grupu parlamentariu de Foru aportó informes del Lletráu Mayor de la Xunta Xeneral del Principáu d'Asturies (XXPA). Unu d'ellos, fecháu nel 2011, considera que la condición de diputáu "nun ye torga llegal pa ser contratista del sector públicu, nin estatal, nin autonómicu, nin llocal". Poro, afirmen, nun incurrieron n'incompatibilidaes, daqué qu'hasta quedó avalao en sesión plenaria'l plenu de la XXPA. Fueron informes que los mesmos diputaos de Foru solicitaron y que cuenten col preste de los distintos órganos del Parlamentu asturianu. Nun accederíen al cargu, afirmaron, d'existir un informe desfavorable.

Mostrar comentarios

Códigos Descuento