Les obres de l'AVE, con cerca de 220 millones d'euros, van llevase la mayor parte de la inversión real del Estáu na provincia de Lleón, con un total de 284,51 millones d'euros, según consta nel proyectu de presupuestos del Estáu que rexistró esti llunes nel Congresu'l ministru de Facienda, Cristóbal Montoro.

En concreto, Adif va invertir 224,63 millones d'euros nel 2014 na provincia lleonesa onde destaquen dos partíes, 112,29 millones d'euros pa la variante del Payares, y 107,23 millones d'euros pa la llinia d'alta velocidá ferroviaria nel tramu Venta de Baño-Palencia-Lleón-Asturies, incluyíu estaciones.

D'otru llau, en Lleón van invertise 10 millones d'euros na Canal Bajo de Pajuelos, 14,77 millones pa delles actuaciones na Canal del Páramo y 11,97 millones pa la construcción de la sede central del Muséu Nacional de la Enerxía, a los qu'hai que sumar otros 1,86 millones pa la urbanización del entornu.

L'Estáu presupuestó otros 2,15 millones d'euros nesta provincia pa meyores y reformes nel Centru Penitenciariu de Mansilla de las Mulas.