El secretariu d'Organización de la FSA-PSOE y diputáu rexonal, Jesús Gutiérrez, dixo esti martes que'l presidente de Foru Asturies (FAC), Francisco Álvarez-Cascos, "nun tien nenguna priesa nin nenguna gana de gobernar Asturies".

Gutiérrez fizo estes manifestaciones n'Ayer, según informa la FSA-PSOE na so web, aludiendo a la fecha elixida por FAC pa celebrar el plenu d'elección de presidente, a lo último'l 12 de xunetu.

"Foi una sorpresa, porque nun hai razones pa esa demora", señaló Gutiérrez, que se preguntó "por qué Asturies tien que ser una escepción nesto", y atribuyó a Francisco Álvarez-Cascos, y al so partíu la responsabilidá. "Esti xestu ye un fracasu de la derecha nel so conxuntu y de FAC en particular", aseguró. Amás, tachó de "incongruencia" que se retrase'l Plenu y que, mientres, "se tuvieren que sentir alvertencies al Gobiernu en funciones".

Según esplicó Gutiérrez, dende FAC ayeri intentaron buscar "escuses" al falar de qu'hai órganos que requieren mayoría cualificada na Cámara. "Cada cosa al so tiempu, y lo primero ye tener un presidente y un Gobiernu", replicó'l dirixente de la FSA-PSOE.

Insistió en que'l principal oxetivu de Cascos ye tener presencia pa presentase a les elecciones xenerales. Pal diputáu socialista, Francisco Álvarez-Cascos tien "trés obligaciones: buscar apoyos nel Parlamentu, gobernanr y primar los intereses xenerales d'Asturies, penriba de los sos intereses particulares, los sos enguedeyos y les sos diferencies".

Según Gutiérrez, l'entendimientu choca colos interees y les estratexes de Cascos, al que-y "preocupen más les elecciones xenerales qu'Asturies y los asturianos", llamentó. "Que fale cola fuerza política al tiempu que surdió y pongan en valor los sos 26 diputaos", pidió Gutiérrez, n'alusión al PP. "Dau'l contestu preferíamos que yá tuvieren trabayando", insistió.