Feijóo reunirase este venres con Castellano e cos copresidentes de NCG en Monte Pío

O máximo mandatario galego, Alberto Núñez Feijóo, reunirase este venres ás 12.30 horas co empresario José María Castellano e cos copresidentes de Novacaixagalicia (NCG), Julio Fernández Gayoso e Mauro Varela, na residencia presidencial de Monte Pío.
Alberto Núñez Feijóo comparecerá en rolda de prensa para dar conta dos asuntos t
Alberto Núñez Feijóo comparecerá en rolda de prensa para dar conta dos asuntos t
XUNTA/Photographer: xoan crespo
Alberto Núñez Feijóo comparecerá en rolda de prensa para dar conta dos asuntos t

O máximo mandatario galego, Alberto Núñez Feijóo, reunirase este venres ás 12.30 horas co empresario José María Castellano e cos copresidentes de Novacaixagalicia (NCG), Julio Fernández Gayoso e Mauro Varela, na residencia presidencial de Monte Pío.

Esta reunión producirase despois de que o consello de administración da caixa acorde nomear a Castellano como conselleiro e avalalo como presidente executivo do banco ao cal transferirá todo o negocio financeiro da caixa, e dende o que liderará unha operación para captar capital privado por valor de entre 400 e 500 millóns de euros.

Desta forma, Castellano será "o máximo responsable" da definición e execución da estratexia de NCG Banco. Julio Fernández Gayoso, copresidente da caixa galega, explicou que o consello de administración tamén designou como conselleiros dominicais do novo banco a Mauro Varela e a el mesmo.

Ademais, foron designados outros dous conselleiros independentes: o empresario galego Roberto Tojeiro, de Gadisa, e o ex presidente de Deloitte España, Carlos González. O consello do banco completarase con outros membros, ata un total de 15.

Mostrar comentarios

Códigos Descuento