Vaia por diante o matiz de que xeograficamente aos galegos énos moi duro tratar de competir cos andaluces nisto de xuntar milleiros de chuzas á intemperie: calquera se bota a facer botellón con este tempo. Pero iso xa o sabemos nós dende hai moito, e por algo somos das comunidades con máis bares per cápita. Nos meus tempos non había botellón de parque nin falta que facía, habendo ducias de tascas a dez pesos a taza de Ribeiro (sic), con pota asegurada por só cincocentas pelas, menos do que custaba unha botella de DYC.