Pardo nun reconoz la xestora del PP y da un plazu de 72 hores pa que se disuelva

La vocera del Grupu Municipal del PP nel Conceyu de Xixón, Pilar Fernández Pardo, dixo esti llunes nun reconocer la xestora impuesta pola dirección rexonal del partíu al considerala una "auténtica usurpación de poder".
Pilar Fernández Pardo
Pilar Fernández Pardo
PP DE GIJÓN
Pilar Fernández Pardo

La vocera del Grupu Municipal del PP nel Conceyu de Xixón, Pilar Fernández Pardo, dixo esti llunes nun reconocer la xestora impuesta pola dirección rexonal del partíu al considerala una "auténtica usurpación de poder".

Pardo, en declaraciones a los medios, dio un plazu de 72 hores a la presidenta de la xestora María Ángeles Fernández-Ahuja pa que la disuelva y convoque un congresu llocal en Xixón.

Coles mesmes, indicó que se siente tovía llexitimada como presidenta del PP xixonés y avanzó que'l so grupu municipal va votar a favor de l'aprobación definitiva de los presupuestos municipales nel plenu estraordinariu d'esti vienres, "por coherencia y responsabilidá, y por anteponer los intereses de los ciudadanos".

Pardo calcó en que namás reconoz lo que tea escoyío democráticamente, nesti casu polos afiliaos del PP xixonés. Refugó, amás, tolos argumentos utilizaos pa implantar una xestora y negó que se dieren condiciones escepcionales na Dirección de la Xunta Local del PP para ello. Ye más, aseguró que se daba una situación óptima pa que se convoque un congresu llocal.

Pa Pardo, que pretende presidir un partíu tien una ocasión magnífica pa presentase a un congresu llocal y sometese a la votación de los afiliaos. Namás d'esa manera remarcó que pue exercese'l poder y la Dirección del partíu democráticu, como entiende que ye'l PP.

"Siéntome llexitimada dafechu como presidenta del PP de Xixón", llegó a dicir, antes d'insistir en que la xestora yera una "autentica usurpación de poder".

Mostrar comentarios

Códigos Descuento