La familia del ex conseyeru d'Educación y Ciencia d'Asturies, José Luis Iglesias Riopedre, va pidir a la xuez qu'instrúi la Operación Marea, Ana López Pandiella, que rebaxe la fianza ante la imposibilidá de reunir 100.000 euros, según informó a Europa Press un voceru del entornu familiar.

La familia calca na "inocencia" de Riopedre y caltién que "va demostrase", considerando que la posibilidá de llibertá baxo fianza ye "un primer pasu hacia la so llibertá y la demostración de la so inocencia". Por ello, la so postura ye "d'alegría" y de "sensación de victoria".

Sicasí, los familiares del ex conseyeru consideren la cuantía de la fianza "inaceptable" y señalen que "nin quieren nin puen encarala", dao que la so situación económica ye "precaria" con poco más de mil euros nuna cuenta y creitos pa "ayudar a la empresa del so fíu".

D'esta manera, el voceru de la familia indica que Riopedre "va siguir na cárcel" porque nun puen reunir 100.000 euros. Coles mesmes, ta previsto qu'a primeros de la próxima selmana la defensa pida a la xueza que rebaxe la fianza.

La familia caltién que Riopedre "nun s'arriqueció y nun se llevó dineru público". "Tol mundu conoz cómo vivía y cómo yera. Trabayó pola Educación con rigor", añaden.

Asina, muestre el so deséu de que l'ex conseyeru salga cuanto antes de prisión, anque estimen que nun va ser posible en próximos díes o hasta na próxima selmana.