Eurovisión

Anque de primavera llevemos tres cuartos d’esti hibiernu (el restu foi veranu), hasta marzu nun tenemos cita colos altares de la epidermis desprendío y semao per cabeza y costazos. La caspa cinco estrelles, tres tenedores y con Q de calidá, la verdadera caspa patanegra ta camín del pentagrama un añu más.

Y sí, yá podemos tar renegando a estes altures de les músiques en lata, les coreografíes más previsibles y los estribillos mántricos, porque dientro d’unes selmanes toos, y esto inclúi a Zapatero, Rajoy, Llamazares, Carod, Ibarretxe y hasta a dalgún illegalizáu, vamos tar pegaos a la pantalla pa comprobar si desta l’alianza exsoviética vuelve a furrular mentres Francia nun quier saber nada col sur de los Pirineos y nun falo d’Andorra. Esti dos mil ocho una esperanza bienhumorada enllena d’ilusión los corazones de los españoles.

Diz asina: «uno, el breiquindans, dos, el crusaíto, tres, el maiquelyason, cuatro, el robocó». Aguardo que TVE nun se revoque y dexe a la suerte democrática del Myspace la so representación. Suerte.