Nos últimos 12 meses el númberu de persones paraes n'Asturies baxó en 7.993, lo que supón un descensu del 9,58 por cientu.

Amás, nel

Principáu hai 33.434 homes nel paru por 42.026 muyeres. Ente los menores de 25 años, hai 2.750 homes desempleaos y 2.431 muyeres, mientres que nel restu d'edaes la diferencia ye de 30.684 varones por 39.595 muyeres.

Por sectores d'actividá económica, el paru baxó en servicios en 2.697 persones, en 453 persones nel sector de la industria; en 369 na construcción; en 99 nel sector de l'agricultura y en 275 nel colectivu sin empléu anterior.

En cuanto al paru rexistráu nel colectivu d'estranxeros, en xunu baxó en 298 persones (-5,21%) y nos últimos 12 meses rexistró una cayida de 439 (-7,49%), dexando'l total de paraos en 5.423. D'ellos, 2.378 pertenecen a un país comunitariu y 3.045 a países estracomunitarios.

A lo último, en xunu realizáronse n'Asturies un total de 35.102 contratos, 2.403 más que'l mes anterior (7,35%) y 1.727 más que va un añu (5,17). Del total de contratos,32.970 fueron temporales y 1.331, fixos.

Nel conxuntu nacional, el númberu de paraos rexistraos baxó en 98.317 persones (-2,8%), rexistrando'l so quintu meyor rexistru dientro de la serie histórica. El volume total de paraos algamó a últimos de xunu la cifra de 3.362.811 paraos, el so nivel más baxu dende xineru del 2009.