El PP quier acabar cola "cultura de la sovención" n'Asturies

El voceru de campaña del PP d'Asturies y miembru de la candidatura autonómica, David González Medina, dixo esti llunes que l'oxetivu del so partíu ye acabar cola cultura de "la sovención" n'Asturies y fomentar la cultura "del entamador".
David González Medina, a la derecha, con Sheila Suárez
David González Medina, a la derecha, con Sheila Suárez
Europa Press
David González Medina, a la derecha, con Sheila Suárez

El voceru de campaña del PP d'Asturies y miembru de la candidatura autonómica, David González Medina, dixo esti llunes que l'oxetivu del so partíu ye acabar cola cultura de "la sovención" n'Asturies y fomentar la cultura "del entamador".

González Medina pronuncióse nestos términos nuna rueda prensa n'Uviéu, tres reunise col presidente de Nuevas Generaciones del PP d'Asturies, Pablo Álvarez-Pire, y miembros del Conseyu de la Mocedá del Principáu.

El voceru de campaña del PP dixo que si'l PP gana les elecciones, va centrase en superar esa cultura de la sovención y que va siguir con polítiques que punxo en marcha'l Gobiernu de Mariano Rajoy pa dar facilidaes y esaniciar torgues a los entamadores.

Tamién dixo que tienen previsto activar un 'Plan Retornu' pa los mozos que marcharon d'Asturies. Trátase de midíes que tán incluyíes nun programa que, según González Medina, tovía nun puen faer públicu, porque hai otros partíos que tán pendientes de les sos propuestes "p'apoderase d'elles".

Preguntáu poles declaraciones del diputáu del PSOE, Antonio Trevín, que dixo que'l PP asturianu tien 'embargáu' el so programa electoral poles sos deudes con Asturies, González Medina retrucó que Trevín foi'l delegáu del Gobiernu que peor trató a Asturies. "Si hai que falar d'incumplimientos, el podría dar una clase", señaló.

Mostrar comentarios

Códigos Descuento