A Consellería de Medio Rural informou dun incendio activo, dende as 15.08 horas deste domingo, no concello de Xinzo de Limia.

Concretamente, o lume, que segundo a información da conta de Twitter de la Xunta "pode superar as 20 hectáreas", orixinouse na parroquia de Seoane de Oleiros.

Para o control e extinción do incendio traballan tres axentes, nove brigadas, cinco motobombas, dúas pas, dez avións e tres helicópteros.

Pola súa banda, os incendios que afectan a Cualedro e Monterrei e que arrasaron entre os dous máis de 1.600 hectáreas (segundo a última estimación de Medio Rural), permanecen activos, pero "estabilizados".