En declaraciones a los medios de comunicación antes d'inaugurar la Xunta d'Altu Nivel de Naciones Uníes sobre la Fame y la Seguridá Alimentaria, Margallo pidió que la situación xurídica de la Infanta "se sustancie con rapidez" pa perxudicar lo menos posible la imaxe del país.

"Lo que pido ye qu'esto se sustancie con rapidez porque, efectivamente, beneficiar nun beneficia a la Marca España", dixo'l ministru.

En precisando que'l Gobiernu y el PP "siempre respetaron les decisiones xudiciales", "personalmente" y "como miembru" del Executivu llamentó la imputación de la fía menor del rei.

"Cualquier cosa qu'afecte a una institución que foi capital na Transición española y que ye capital pal prestixu d'España nel esterior causa enorme preocupación nel Gobiernu", contestó a preguntes si la noticia de la imputación de la Infanta proecupaba al Gobiernu.