El conceyal de Desarrollu Económicu y d'Empléu nel Conceyu de Xixón, Fernando Couto, confirmó esti vienres que'l cantante Bruce Springsteen va ofrecer el 26 de xunu na ciudá l'únicu conciertu que va dar n'España nel 2013. L'eventu va tener llugar nel estadiu d'El Molinón, a les 21.00 hores.

Couto, en rueda prensa posterior al Conseyu d'Alministración de 'Xixón Turismu', destacó que la esclusividá del conciertu foi esixencia del Conceyu. Les entraes van tener un preciu de 55, 65 y 75 euros pa les entraes d'asientu reserváu y de 65 pa les de pista, al marxe de los gastos de distribución. Estos gastos nun van cobrase a les sobre 800 o 1.000 que se venderán nel Teatru Jovellanos.