Escanciando cine

Nunca é unha mala idea ir a Asturias. Tampouco esta é mala época para ir andar aos montes, á primeira neve ou á caloriña dun bo pote. Asturias é patria querida, irmá e curmá, e exemplo a seguir en moitas cousas: a querencia pola cultura sen pomposidades, a modernidade sen postureo e o compatibilizar todo o anterior cunha boa dieta de sidra e Cabrales nos bares da capital, que é moi sana para o espíritu. Os aires cantábricos poñen o resto. Todo iso e máis é o espíritu do Festival de Cine de Xixón, que contempla cine independente e cine infantil, que non ten alfombras vermellas nin photocall nin falta que fai. Onde se traen cineastas para compartir coa xente o amor ao cine, onde se pode falar con eles nunha rúa ou nun bar. Onde a poboación participa e comparte e celebra a paixón polas cousas que lle gustan. Onde se vai con apertura de miras e se volve cunhas cantas gratas sorpresas. Ía dicir que quen nos dera ter aquí un Festival de Xixón, pero para qué, se o temos aí ao lado. Alá imos.

Hemos bloqueado los comentarios de este contenido. Sólo se mostrarán los mensajes moderados hasta ahora, pero no se podrán redactar nuevos comentarios.

Consulta los casos en los que 20minutos.es restringirá la posibilidad de dejar comentarios